Fríða horfir á Kastljós:

Mig langar alltaf að vera skopmyndateiknari þegar ég horfi framan í Björn Bjarnason.

Ef ég ætti barn sem hefði skoðanir á mörgu og væri svo samviskusamt að svara öllum spurningum sem það fengi, ditti mér ekki í hug að hringja í Kastljós og segja þeim frá því. Ég get ekki hætt að hugsa: Grey barnið, kannski fast með þessar blessuðu skoðanir við sig út lífið. Ekki gera því þetta.

Guðni er hreinskilnastur allra stjórnmálamanna. Hann er alltaf að reyna að segja ekki neitt en tala fullt eins og sönnum stjórnmálamanni sæmir en tekst alltaf að segja það mikið að mál hans gengur ekkert upp og fullt af mótsögnum. Svo verður hann reiður eins og hefðbundinn íslenskur faðir, eitthvað svo einfeldnislegt og því unaðslegt aðhlátursefni.

Er Ólafur Ágúst á leið að stæla Össur í skeggvexti eða var þetta Hulk Hogan skegg og upplausnin í tölvunni ekki alveg nægilega góð hjá mér?

Ég hef annars engan tíma fyrir neitt annað en lærdóm (og prebbast yfir tölvusjónvarpi því ég er ell ú eð i). Tilvonandi gestur ætlar annars að afboða komu sínu. Ég er vel/illa upp alin og tek hótunum mjöööög alvarlega.