Stundum er gott að láta andstæður breyta ástandi. Út frá þessari "speki" horfði ég til dæmis á Requiem for a Dream þegar mér leið illa. Eftir það leið mér mun betur, fór í bæinn og keypti mér ís með bros á vör. Í kvöld/nótt var/er ég svefnlaus og ákvað að drepa mig úr leiðindum með Innlit útlit þætti. Hann drap mig úr leiðindum en eftir sit ég með áhyggjur yfir vísareikningum einhverra ókunnugra Íslendinga. Mér finnst þessir þátttastjórnendur eitthvað að fara á mis við hvað það þýðir að stjórna þætti. Þau grípa fram í fyrir viðmælendum sínum og klára setningar fyrir þau endalaust. Af hverju fá þau ekki bara að fara þrjú heim til fólk og spjalla um sandblásnu gluggana þeirra í stað þess að láta húsráðendur koma út eins og mister hikköp.

Ég verð að viðurkenna að þessi aðferð mín virkar ekki alltaf. Best að leggjast upp í rúm og telja andartök Arnars þar til hann vaknar. Ég segi að þau verði yfir þúsund. Spennandi...